MANILA, January 30 (PIA) -- Sa paghatag og importansya sa papel sa gobyerno aron makab-ot ang nasudnong kalamboan, si Presidente Ferdinand R. Marcos Jr. misaad nga himoong mas ‘responsive’ o mas mosanong ang gobyerno sa mga panginahanglan sa katawhan, ug giawhag ang mga opisyal ug personahe sa gobyerno sa pagtabang sa iyang administrasyon sa paghimo sa gikinahanglan kaayong mga reporma sa burukrasya.

“For this I pledge, government will neither ask the people for sacrifices it will not exact first upon itself, nor impose a burden that is heavier than what people can carry. (Tungod niini akong gisaad, ang gobyerno dili mangayo sa mga tawo alang sa mga sakripisyo nga dili una niini ipahamtang sa iyang kaugalingon, ni magpahamtang ug palas-anon nga mas bug-at pa kay sa madala sa mga tawo)," pahayag ni Presidente Ferdinand R. Marcos Jr. atol sa kickoff rally alang sa ‘Bagong Pilipinas’ nga kampanya sa Quirino Grandstand sa Manila niadtong Domingo.

“Sa Bagong Pilipinas, ang pagbabago ay nagsisimula sa pamahalaan. While power emanates from the people, change must begin from the government. Kaya naman, ito ang aking mga mahigpit na tagubilin sa mga kawani ng gobyerno,” matud pa ni Marcos.

Ang katapolan gidili sa mga trabahante sa gobyerno, matud ni Marcos, ang paghatag og gibug-aton sa mga serbisyo kinahanglang paspas, ang mga proyekto kinahanglang mahuman sa tukmang panahon, ang mga deadline kinahanglang matuman kada eskedyul, ug ang mga tawag sa kalisdanan kinahanglang tubagon dayon.

Ang red tape kinahanglang pulihan og red carpet treatment, ug ang komplikadong mga kinahanglanon ug ang oras sa pagproseso kinahanglang pakunhoran, ang Presidente miingon, nga nag-awhag sa mga trabahante sa gobyerno sa pagtimbaya sa ilang mga kliyente uban ang maabiabihon nga pahiyom.

Misaad usab ang Presidente nga makigbatok sa korapsyon ug sobra nga paggasto sa gobyerno ubos sa ‘Bagong Pilipinas.’

Ubos usab sa repormistang kampanya, ang pag-abuso ug ang pagpasobra sa gobyerno dili matugotan, ang Presidente miingon, nga nagdugang nga ang mga trabahante ug opisyal sa gobyerno mga alagad sa katawhan ug dili ilang mga agalon.

Ang ‘Bagong Pilipinas’ nga kampanya mao ang nag-unang tema sa tatak sa pagdumala ug pagpangulo sa administrasyon, nga gihulagway sa usa ka prinsipyo, may tulubagon, ug kasaligan nga gobyerno nga gipalig-on sa hiniusang mga institusyon sa katilingban.

Kini nag-awhag sa matag Pilipino nga tan-awon lapas pa sa mga kalainan ug pagtrabaho nga nahiuyon sa pagtukod sa usa ka nasud nga naghulma sa usa ka mas maayong kaugmaon alang sa iyang mga lungsoranon. (ECB/PIA7 Bohol)