Ang Presidente mipadayag usab ug simpatiya sa mga minahal sa kinabuhi sa napatay nga 44 ka police commandos, nga naglaum nga sila makakaplag ug kahupayan sa pagkahibalo nga ang usa ka mapasalamaton nga nasud, sa gihapon nag-amuma sa usa ka dako nga buslot sa ilang mga kasingkasing, sa hilabihan gayud gibati.
Si Marcos miingon nga obligasyon sa Estado ang pagtabang nga matuman ang mga damgo sa SAF 44 alang sa ilang mga pamilya, alang sa ilang mga anak, alang sa ilang mga kauban, ug alang sa katawhang Pilipino isip paagi sa paghatag kahulogan sa ilang kaisog.
Lakip sa hinabang nga gihatag sa gobyerno ngadto sa mga pamilya sa SAF 44 naglakip sa housing assistance nga P12.3 milyones; educational assistance, P26.24 milyones; ug livelihood assistance sa P16.33 milyones (partial release).
Ubang hinabang nga gihatag mao ang pagpalista sa matag benepisyaryo sa PhilHealth Lifetime Premium coverage sa 2016 ug pagpatrabaho sa pipila ka benepisyaryo sa mga ahensya sa gobyerno, apil na sa Philippine National Police.
Ang 44 ka pulis, napatay sa engkwentro sa mga Muslim nga rebelde atol sa operasyon sa hilit nga baryo sa Mamasapano, Maguindanao niadtong Enero 25, 2015.
Ang operasyon sa SAF, nga gi-codenamed "Oplan Exodus," malampuson nga naka-neutralize sa Malaysian bomb maker ug Jemaah Islamiyah leader Zulkifli Bin Hir, alyas Marwan.
Niadtong Pebrero 21, 2017, si Presidente Rodrigo Duterte niisyu sa Proclamation No. 164 nga nagdeklarar sa Enero 25 sa matag tuig isip Adlaw sa Nasyonal nga Paghandom sa SAF 44. (Translated by JSD/MLU/Photo from PCO)
