MANILA, February 5 (PIA) -- Si Presidente Ferdinand "Bongbong" R. Marcos Jr. misaad niadtong Sabado nga walay Pilipino nga mabiyaan nga gutom ubos sa usa ka "Bagong Pilipinas" nga adunay nabag-o nga sektor sa agrikultura diin ang mga mag-uuma nasangkapan sa modernong kahibalo sa agrikultura ug igong suporta gikan sa gobyerno.

Sa iyang pakigpulong atol sa ceremonial rice harvesting ug distribusyon sa nagkalain-laing tabang sa Candaba, Pampanga, si Presidente Marcos miingon nga ang kooperasyon sa matag lungsuranon magdala ngadto sa mas maayong Pilipinas diin walay mabiyaan.

“Ang ating pagtutulungan na mapaunlad ang ating sektor ng agrikultura ay isa lamang sa mga pangunahing hakbang tungo sa pagbuo ng isang Bagong Pilipinas— kung saan walang nagugutom at ang lahat ay masigabong kumikilos para sa mas masaganang kinabukasan,” si Presidente Marcos miingon.

Aron masiguro ang malungtarong ani, si Marcos mipasalig sa mga mag-uuma sa suporta sa gobyerno sa tanan nilang mga paningkamot, nga nag-ingon nga ang matag liso nga ilang itanom magsilbing pundasyon sa lig-on ug madagayaon nga kaugmaon.

Gipangunahan ni Marcos niadtong Sabado ang ceremonial rice harvesting sa Barangay Mandili sa Candaba diin mi-apod-apod usab siya og nagkalain-laing tabang sama sa hauling trucks, mga liso, tabang pinansyal, ug uban pa ngadto sa kapin 12,000 ka mga mag-uuma ug napulo ka mga kooperatiba ug asosasyon sa mga mag-uuma.

Gidayeg sa Presidente ang kakugi ug dedikasyon sa mga mag-uuma, nga misangpot sa pag-usbaw sa produksiyon sa humay sa Pilipinas niadtong 2023 tungod usab sa pag-apod-apod sa gobyerno sa taas nga kalidad nga binhi ug sa igong suporta.

“Sa ating mga minamahal na nagsasaka, ang inyong dedikasyon, sakripisyo at sipag ay tunay na nagsisilbing inspirasyon sa ating lahat. Ang inyong mga kamay – na masigasig na nagbubungkal ng lupang inyong sinasaka – ang siyang nagbibigay ng buhay at sigla sa ating sambayanan,” matud pa sa Presidente.

Mitambong atol sa ceremonial palay harvesting ug distribution sa hinabang sila si Department of Agriculture Kalihim Francisco Tiu Laurel Jr., Assistant Secretary Arnel De Mesa, Pampanga Rep. Anna York Bondoc ug uban pang lokal nga opisyal. (ECB/PIA7-Bohol)