Gipangulohan ni Presidente Marcos niadtong Sabado ang seremonyal nga pag-ani sa bugas sa Barangay Mandili sa Candaba kung diin nag-apud-apod pud siya og nagkalain-laing mga panabang pareho sa hauling trucks, seeds, ug pinansyal ngadto sa sobra 12,000 ka mga mag-uuma ug napulo ka mga kooperatiba ug asosasyon sa mag-uuma.
Gidayeg sa Presidente ang kahago ug dedikasyon sa mag-uuma, nga nag-una sa pag-usbaw sa produksyon sa bugas sa Pilipinas sa tuig 2023. Kini makapamatuod pud sa program sa gobyerno sa pag-apud-apod og mga de kalidad nga binhi ug igong suporta.
“Sa ating mga minamahal na nagsasaka, ang inyong dedikasyon, sakripisyo at sipag ay tunay na nagsisilbing inspirasyon sa ating lahat. Ang inyong mga kamay – na masigasig na nagbubungkal ng lupang inyong sinasaka – ang siyang nagbibigay ng buhay at sigla sa ating sambayanan,” ingon ni President Marcos. (PND/Translated by MLU/Photos from PCO)
