Ginhiwat ang ini nga seremonya sa banwa sang Maasin kun sa diin ginpakigbahinan ini sang 215 ka mga opisyal sang barangay, barangahay health workers kaupod man ang mga representate sang Provincial Rabies Control Committee kag livestock technicians nagikan sa mga nagkalain lain nga mga kabanwahanan.
Ginpanunahan man ni Mayor Francis Amboy, Provincial Veterinarian Dr. Darel Tabuada, Provincial Health Officer Dr. Rodney Labis, Municipal Health Officer Dr. Arthur James G. Rendon, kag Municipal Agriculture Officer Hubert Maido ang nasambit nga kahiwatan.
Suno sa impormasyon sang PVO, kapin sa P8 milyon ang ginbakal nga bakuna sang gobyerno probinsyal para sa canine rabies kag ini ang magasakop sa 70% nga populasyon sang mga ido sa probinsya sa ini nga tuig.
