BAYAWAN CITY, Negros Oriental, Feb. 16 (PIA) -- Gipasigabo sa Kagamhanan sa Dakbayan sa Bayawan ang mga chada'ng pasilidad sa siyudad nga mahimo sab tourist attraction na gilangkob sa ilahang Ibayaw Tour Package.

Gibida sa maong pasilidad sa mga turista ang best practices sa siyudad.

Apil sa tour package ang pagbisita sa Bayawan City Waste Management and Ecology Center (BCWMEC), Local Flood Early Warning System (LFEWS) na giila sab nga “mini PAGASA” sa siyudad, Gawad Kalinga Wastewater Faciloity, ug ang Danapa Aquaculture Facility.

“Si Bayawan is not really much gifted on mga beaches. So now we bank on our best practices. A lot of LGUs have visited us already as far as Luzon and Mindanao,” matod ni Bayawan City tourism officer Donna Maturan.

Matod ni Maturan, naila ang BCWMEC nga kanunay bisitahon sa mga bisita gikan sa laing mga Local Government Units (LGUs) ug mga researcher alang sa benchmarking on good practices on solid waste management.

Gipasidunggan sa Department of Environment and Natural Resources (DENR) Environmental Management Bureau (EMB) 7 ang BCWMEC isip Best Solid Waste Disposal Facility Award tungod sa maayong pagdumala sa sanitary landfill na naa sa sulod sa maong pasilidad.

Nahimutang sa 21 ektarya nga luna sa Brgy. Maninihon ang BCWMEC nga dunay centralized Materials Recovery Facility (MRFs), sanitary landfill, buffer lagoon, ug septic water treatment facility.

Makita sa BCWMEC ang hany-ay nga proseso sa mga basura una kini ilabay sa sanitary landfill nga dili baho og makadaot sa tawo ug sa kalikupan.

“Ang mga basa basura mao nay baho. Kani siya naa ni siya murag catchment sa ubos na naka-slope na ang mga duge niya sa ubos sa cell mosulod sa pipe nato then modiretso dire sa atong lagoon,” matod ni Kerwin Martinez usa sa mga facility supervisors sa BCWMEC.

Gilunsar sa Bayawan City Tourism Office ang Ibayaw Tour Package kaniadtrong ika-2 sa Pebrero atol sa pagpupulong sa mga miyembro sa Association of Negros Oriental Public Information Officers (ANOPIO) ngadto sa siyuad. (RAL/PIA7 Negros Oriental)