No. of :

No. of Shares:

Currently viewed by: Marcus Rosit

  1. Home
  2. News
  3. Mga mangunguma kag mangingisda sa Iloilo nakabaton bulig gikan sa DA

Mga mangunguma kag mangingisda sa Iloilo nakabaton bulig gikan sa DA

Write a comment

Delete

SYUDAD SANG ILOILO -- Nanuhaytuhay nga mga agri-fishery interventions nga nagabalor sang P909.68 ka milyon ang nabaton sang mga mangunguma kag mangingisda sa probinsya sang Iloilo gikan sa Department of Agriculture (DA).

Naglab-ot naman sa P2.347 milyon ang ginpanghatag sang DA 6 sa mga 515 ka mga benepisyaryo nga mangunguma pinaagi sa Rice Farmers Financial Assistance (RFFA) Program kag Fuel Assistance to Farmers Project.

Sa pihak nga bahin, ang Kadiwa financial grants nagbahin sang P8.5 milyon sa Iloilo Science and Technology University, Pavia Livestock Growers Association, Pavia Entrepreneurs Multipurpose Cooperative (MPC), Kooperatiba Natun MPC, kag Panay Darag Chicken Breeders Association bilang suporta sa market linkage kag mga hilikuton.

EditDelete
Nagbisita si DA Secretary Francisco P. Tiu Laurel, Jr. sa Jalaur River Multi-purpose Project Phase II (JRMP II) nga ginakabig bilang nahauna nga dalagku na water reservoir sa Visayas kag Mindanao nga padayon nga ginapatukod. (Photo by: DA)
Delete

Dugang pa, ang concerned local government units nakaagom sang No Objection Letter (NOL) 1 para sa pagpatigayon sang Philippine Rural Development Project (PRDP) infrastructure development projects nga nagabalor sang P885.52 milyon.

Nangin dinapit nga bisita si Agriculture Secretary Francisco P. Tiu Laurel, Jr. sa ceremonial turnover sang bulig para sa sektor sang agrikultura kag fishery.

“Hangad po ng ating Pangulo Ferdinand Marcos na ma-modernize ang ating mga magsasaka kaya katuwang natin dito ang ating Philippine Center for Postharvest Development and Mechanization (PhilMech) para patuloy tayong magbibigay ng mga mekanisasyon para sa clustered associations and cooperatives,” pahayag ni Tiu Laurel.

Delete

Pinaagi man sa PhilMech, ginpangunahan ni Tiu Laurel ang pagtugyan sang P11.246-milyon nga mga makina kaangay sang walk-behind transplanters, riding-type transplanters, rice precision seeders, rice combine harvesters, kag single-pass rice mill.

Sa bahin sang DA-Bureau of Fisheries and Aquatic Resources (BFAR), naghatag ini sang gill nets, 10hp marine engines, kag tilapia fingerlings nga naglambot naman sa P2.067 milyon.

Sa nasambit man nga okasyon, ginpakigbahin sang DA Secretary ang iya nga pagbisita sa Jalaur River Multi-purpose Project Phase II (JRMP II) nga ginakabig bilang nahauna nga dalagku na water reservoir sa Visayas kag Mindanao nga padayon nga ginapatukod.

“Ito po ang kailangan natin para ma-maximize ang potential ng Western Visayas in rice production. Hindi ko po isinasantabi ang potensyal ng rehiyon na ito to contribute more for rice sufficiency of our country at talagang tututukan po namin kasama kayong mga magsasaka,” suno kay Secretary Tiu Laurel. (AAL/LMLE/PIA Iloilo/DA)

About the Author

Liez'l Marie Lamasan-Ejeda

Writer

Region 6

Write to live. Live to write. 

Related News

Feedback / Comment

Get in touch