SYUDAD SANG ILOILO -- Yara na sa 65% sa masobra sa 700,000 nga benepisyaryo sang Pantawid Pamilyang Pilipino Program (4Ps) sang  Department of Social Welfare and Development (DSWD) ang naka-gradwar sa programa kag sila ginakabig na nga self-sufficient santo sa datos sang ahensya karon nga Pebrero 2024.

Tungod sini, ginpahayag sang DSWD nga makit-an na sa karon ang palatandaan nga nangin madinalag-on ang pagpatuman sang ini nga programa sang gobyerno.  

Suno kay DSWD Secretary Rex Gatchalian, makit-an sa social media pages ang mga sugilanon sang kadalag-an sang 4Ps nga mga benepisyaro kun sa diin iban sa ila ang nakagradwar bilang mga class valedictorians. May yara man sang nakatapos sang pag-eskwela kag nakapangita sang maayo nga trabaho kag nagabulig na sa mga kauturan.  

Samtang ang iban nga mga benepisyaryo ang makabig nga self-sufficient, ginklaro ni Gatchalian nga padayon sila sa gihapon nga makabaton sang bulig sa gobyerno paagi sa mga nagkalainlain nga mga programa nga makapahaganhagan sang kapigaduhon kasubong sang Ayuda para sa Kapos ang Kita Program (AKAP).

“Hindi ibig sabihing pwede na naming bitawan kaya nga nandiyan ‘yung – ‘yan ang next mechanism for them na kung bigla na naman bumalik ng dangers sa vulnerability programs like AKAP can help them from spiraling down back to poverty,” suno kay Gatchalian. (AAL/LMLE/PIA Iloilo/PND)