Sa mensahe ni Tamacay sa mga benepisyaryo, “Dito sa Oriental Mindoro ang prayoridad ay mga kagamitan sa pagsasaka bilang ito ang pangunahing ikinabubuhay ng mga lokal at malaki ang naitutulong nito sa ekonomiya ng probinsya. Kapag nakita namin na maayos ang pamamalakad at nagkaroon ng magandang epekto sa mga myembro sa pagkakaroon ng social benefits ay maaari pa namin pagkalooban ng karagdagang assistance na makakatulong sa asosasyon at sa sektor ng agrikultura ng inyong lugar.”
Ang naturang traktora ay nagkakahalaga ng P996,640 na bahagi ng livelihood assistance ng DOLE katuwang ang lokal na pamahalaan bilang accredited co-partner. Ito ay tugon sa malaking kakulangan sa mga kagamitan ng mga magsasaka at magbibigay ng malaking tulong sa mga miyembro ng asosasyon upang mas maging produktibo sa kanilang gawain sa bukid at maaari rin makinabang ang mga karatig barangay sa pamamagitan ng pagpapaupa sa nasabing traktora.
