SYUDAD SANG ILOILO (PIA6) -- Nagpatigayon sang Run Against Contributions Evaders (RACE) ang Social Security System (SSS) sa Iloilo sang Pebrero 19 kung sa diin 12 ka mga establisyemento ang ginhatagan sang "notice of violation" sang ahensya.

Ginpahayag sang ahensya nga ginabanta P5.4 milyon ang kabug-usan nga delinquency sang 12 ka establisyemento kung sa diin ini ang na-monitor sang SSS Molo kag Iloilo Central Branch.

balayran pinaagi sa mga installment proposal kag restructuring.

"We will also impart to them nga ang SSS subong nagahatag sa ila chance to pay their delinquency obligations kay may program naman kita for installments. Kadamo man na naga-avail. We will explain to them nga obligado gid kamo under the law and kadto lang kamo SSS kay open kami for installment payments, may option kami for restructuring," pahayag ni Dofitas.

Sa pihak nga bahin, ginpahayag sang SSS nga ang kampanya isa ka pamaagi para maproteksyunan ang benepisyo kag kinamatarong sang mga empleyado nga miyembro sang ahensya kag malikawan ang paglapas sang mga employer sa Republic Act No. 11199 ukon ang Social Security Act.

Dugang pa sang SSS nga hindi dapat magkahadlok ang mga employer sa ginahiwat nga RACE bangud ini isa lang ka inisyatibo sang ahensya para mapadumdom sila sang ila obligasyon sa ila mga empleyado kag mahatagan man sang tion para mabayran ang ila delinquencies. (AAL/JNH/PIA Iloilo)