TAGBILARAN CITY, Bohol Feb 5 (PIA) -- Napulo ug siyam ka bag-o nga mga police patrol vehicles ang gitugyan mismo sa labing taas nga opisyal sa kapolisan sa rehiyon ngadto sa Bohol Provincial Police pinaagi ni Provincial Director Lorenzo Batuan, niining bag-o lamang.
Mismo si Brig. Gen. Anthony Aberin ang mingtunol sa 19 ka mga units sa dugang patrol vehicles alang sa 19 ka lungsod sa iyang ika tulo nga command visit human siya napili nga regional director sa PNP sa Central Visayas.
Ang 19 ka mga police patrol vehicles ipang-aud-apod usab sa 19 ka mga municipal police stations (MPS) sa mga kalungsuran sa Bohol.
Kini alang sa Anda, Balilihan, Batuan, Calape, Cortes, Catigbian, Clarin, Dagohoy, Duero, Getafe, Loboc, Sagbayan, San Miguel, Sierra Bullones, Tubigon, Valencia, Maribojoc, Dimiao ug Alicia.
Didto personal nga mingtambong ang mga mayor sama nila ni Anda Mayor Angelina Simacio, Balilihan Mayor Maria Pureza Chatto, Batuan Mayor Atty Antonino Jumawid, Calape Mayor Julius Herrera nga girepresentahan ni by Desiree Solita, Catigbian mayor pinaagi ni VM Esteban Angilan, Clarin Mayor Eugene Ibarra, Cortes Mayor Lynn Iven Lim, Dagohoy Mayor Herminio Relampagos, Duero Mayor Al Taculad, Getafe Shaun Casey Camacho, Loboc Mayor Raymond Jala, Sagbayan mayor Restituto Suarez, San Miguel Mayor Ian Gil Mendez, Sierra Bullones Mayor Michael Doria, Tubigon Mayor Willam Jao, Valencia Mayor nga girepresentahan ni Vice Mayor Aristotle Cometa, Maribojoc Mayor Romulo Manuta, Dimiao Mayor Randolf Ang, ug Alicia Mayor Victoriano Torres.
Matud ni Batuan, ang PNP Directorate for Logistics mihatag niining nga sakyanan pangpatrolya agi og pag enhance sa operational capability of police forces sa Visayas, lakip na ang Bohol.
Nagpasalamat usab si Batuan sa pagsubay sa PNP regional director alang sa pagtugyan sa mga sakyanan, ug mismo sa way puas niining suporta ug paggiya sa kapolisan sa Bohol aron mamahimong aktibo sa pagsumpo sa kriminalidad.
Ang Bohol Police Provincial Office maoy matud pa, nag-una sa police provincial offices sa performance sa Region 7 sa buwan sa Enero 2024. (RAHC/PIA Bohol)
