TAGBILARAN CITY, Bohol, Feb. 15 (PIA) -- Ayaw ibilin ang mga sakyanan sa mga lugar mas taas ang posibilidad nga kawaton, dala sa nagkataas nga kaso sa mga sakyanan nga gikawat samtang walay nagbantay.

Kini ang pahimangno nga gipadayag ni Master Sgt. Chrislam Baguil, nga mas nailhan sa kadaghanan nga si vlogger Motosikop, didto sa senemanang programa sa kapulisan nga Strategic Information Broadcasting through the Internet and other Access (SIBIA) nga gi livestream sa PIA Bohol Information Center Studio.

Si Baguil mibutyag nga ang syudad sa Tagbilaran, kasagaran nga kaso sa carnapping o motor napping nahitabo sa mga biktima nga nagbilin sa ilang mga sakyanan sa mga lugar nga hilit, walay nagbantay ug walay CCTV.

Likayi ang kahigayunan ng mabiktima, ang mga kaso sa stolen while abandoned, parked unattended (SWAPU) maoy labing taas nga matang sa carnapping sumala sa imbestigasyon, aghat dalang pahimangno ni Daguil.

Adto parking sa mga lugar nga hayag, ug ayaw itugot nga hatagan og opurtunidad ang kawatan nga madala ang imong sakyanan, dugan niya.

Kasagaran nga kaso, kanang makalimot og tangtang sa yabe sa sakyanan, dili ma lock ang sakyanan ug luag na ang yabehanan, sumpay pa sa mga tinugyanan sa mga nag-unang kaso sa kawat sa sakyanan.

Sa 2023, mitala ang Tagbilaran City Police Station sa 21 ka kaso sa motornapping, hinuon, sumpay sa opisyal, nasolbad ang tanan nga mga kaso.

Si Baguil, kinsa usa sa mga Motorized Anti Street Crime Operatives (MASCO), mipadayag usab nga sila ang natahasan sa estasyonan sa kapolisan sa paghimo og police visibility patrols, may gahum sa pag-issue og citation tickets kon may makit-an nga tataw nga paglapas sa traffic code, pagpatuman sa Operation Sita alang sa  mga tataw nga violations ug sa pagpatuman sa checkpoints aron ikapatumanang balaod sa trapiko ug  ang mga ordinansa sa syudad.

Partikular sa ilang mga aktibo nga mga buhat mao ang pagpatuman sa Republic Act 10054 o ang Standard Motorcycle Helmet Act nga nagmandu sa paggamit sa standard protective helmets.

Sa tanan nga matang sa karsada nga pangpubliko, ipatuman ang ordinansa, ug mangita sila sa standard protective helmets, alang usab sa kasegurohan sa motorista.

Gipanawagan usab sa kapulisan ang mga ginikanan nga did-an ang mga menor-de-edad nga makamaneho og sakyanan, kay mahimo nga kon madisgrasya, ang ginikanan ang manubag sa sibil nga responsibilidad sa mga maangin. 

Niini, aghat usab sa mga kapolisan, tabangan nato ang pagsumpo sa krimen, pinaagi sa paghikaw sa kahigayunan nga mahitabo kini. (RAHC/PIA7 Bohol)