SYUDAD SANG ILOILO (PIA) -- Sa pihak sang mga paghangkat bangud sa pagbag-o sang klima, ang Bureau of Fisheries and Aquatic Resources nagpahayag sang kabilugan nga walo ka metriko-tonelada nga produkto sang bangrus sa idalom sang High-Density Polyethylene (HDPE) Fish Cages nga proyekto sini.

Ini ang kabilugan nga produkto sang lima ka mga benepisyaryo nga asosasyon gikan sa probinsya sang Aklan, Iloilo, Guimaras, kag Negros Occidental.

Ang lima ka asosasyon amu ang Bugtong Bato Fisherfolks Association sa Ibajay, Aklan, Pajo-Guinmisahan Farmers and Fisherfolk Association (PagFFA) sang Concepcion, Iloilo, Katilingban sang Magagmay nga Mangingisda sang Alegria Inc. (KAMMAI) sa Sibunag, Guimaras, Hoskyn Fisherfolks Association (HoFA) sang Jordan, Guimaras, kag ang Sampaguita Talacagay Fisherfolk Association (SATAFA) sa Hinoba-an, Negros Occidental.

"Tungod sa project nga HDPE, wala na kami sang hadlok sa amon fish cage kay mapag-on kag biskan baskog ang balod, indi guid siya maano," siling ni Caro.

Mahibal-an nga ang HDPE cages kilala sa ila kapag-unon kag kabakuran batuk sa mga bagyo nga may yara extended life expectancy nga masobra 30 ka tuig, mas tuman ka lawig kung ikumparar sa tradisyonal nga bamboo cages nga mahimo lang magtinir tubtob isa kag tunga sa tuig.