SYUDAD SANG ILOILO (PIA) –Ginpanawagan ni Presidente Ferdinand R. Marcos Jr. ang Home Development Mutual Fund (HDMF) ukon Pag-IBIG Fund sang Martes (Pebrero 27) nga himuon ang home mortgage financing sang ahensya nga mas accessible agud mahatagan ang mga Filipino sang kahigayunan  nga makaangkon sang kaugalingon nga puluy-an kag masabat ang housing backlog sa pungsod.

Sa iya paghambal sa tion sang Pag-IBIG Fund Chairman’s Report for Year 2023 sa Philippine International Convention Center (PICC), ginkilala ni President Marcos ang bag-o gid lamang nga mga hinimuan sang ahensya, apang ginpahayag sini nga “we are far from declaring mission accomplished,” bangud sang dako nga housing backlog.

Sa nakaligad nga duha ka tuig, ginsiling sang Presidente iya nakita kung paano sang Department of Human Settlements and Urban Development (DHSUD) kag mga attached agencies sini nga magguwa sa ila mga comfort zones kag gub-on ang dingding nga nagakulong sang ila kaisipan.

sa Pag-IBIG, sa housing sector, kag lokal nga panguluhan, amo ang pagtranslate sang ila bag-o nga natipon sa mga aktwal nga balay nga mahalinan sang mga pumuluyo.

Gina-implementar sang administrasyon ni Marcos ang Pambansang Pabahay Para sa Pilipino Housing Program sa tuyo nga masabat ang kinahanglanon para sa disente nga balay kag makatukod sang potensyal nga impact sa mabaskog nga sektor sa nagasanyog nga ekonomiya.

May ambisyon ini padulong sa pagtukod sang isa ka milyon nga low-cost housing unit sa tagsa ka tuig tubtub sa katapusan sang termino sang Presidente.

Ginhatagan man pagtamod sang punong ehekutibo sa iya mensahe ang hinimuan sang Pag-IBIG Fund kasubong sang paglab-ot sang pinakamataas nga housing loan nagadangat sa PhP126.04 bilyon, nga nagbulig sa masobra sa 96,000 ka mga miyembro sang Pag-IBIG Fund nga makakuha sang bag-o ukon maayo nga puluy-an.

Nakabalhag ang Pag-IBIG sang Short Term Loans nga nagabalor sa PhP59.31 bilyon, sakop ang 2.65 milyon nga mga miyembro kag tuigan nga net income nga PhP43.79 bilyon.

May pinakamataas ini nga total assets nga PhP925.61 bilyon kag pinakamataas nga member dividends nagabalor PhP48.76 bilyon.

Ang Pag-IBIG Fund isa ka government-owned and controlled corporation (GOCC) sa idalum sang DHSUD responsable para sa pag-administrar sang national savings program kag masarangan nga shelter financing para sa mga Filipino. (AAL/LAF/PIA6-Iloilo/PND)