TANGUB CITY, Misamis Occidental (PIA)--Pusil ug granada ang nasakmit sa kapulisan sa gihimong magkasunod nga search operation sa Tangub PNP buntag sa Hulyo 27.

Armado sa usa ka search warrant unang gironda sa kapulisan sa Tangub alas 3 sa kadlawon ang  panimalay sa usa ka security guard nga si Ariel Rivera Antega minyo, 22, lumulupyo sa Purok 4, Barangay Pangabuan Dakbayan sa Tangub.

Gironda sa kapulisan sa pagpanguna ni Deputy Chief of Police for operation PLt Al-Rhafat Sapie Nakuha sa panimalay niini ang usa ka 38 revolver ug lima ka mga bala.

Gisunod niini pag-ronda alas 6 sa buntag ang panimalay sa usa ka Jhon Rey Paradero usa ka laborer, 32, ug lumulupyo sa Purok 5, Barangay Sta. Cruz.

Niining higayona kauban sa Tangub PNP sa maong operasyon ang mga sakop sa PIU Misamis Occidental nakuha gikan sa panimalay niini ang calibre 45 pistola ug usa ka granada.

Ang search warrant Ang parehong gipagawas gikan sa sala ni Executive Judge Sylvia Machacon sa RTC Branch 16 10th Judicial Region.

Ang duha anaa na karon sa sulod sa Tangub City Police detention cell ug gihikay na ang kaso batok sa dinakpan. (LGU Tangub/PIA-10/Misamis Occidental)