CAGAYAN DE ORO CITY (PIA)--Agi'g pagduyog sa National Breastfeeding Awareness Month karong Agosto , gilusad sa Lokal nga Pangagamhanan sa Cagayan de Oro ang usa ka virtual activity pinaagi sa facebook livestream sa City Nutrition Committee-Cagayan de Oro City Facebook page.
Subay sa temang, “Tulong-Tulong sa Pagpapasuso sa First 1,000 Days,” ang LGU CDO naninguha nga mapasaka ang level of public awareness sa mga inahan nunot sa importansya sa breastfeeding isip usa ka highly beneficial public health intervention alang sa mga inahan ug gagmay'ng kabataan.
Atol sa kick-off activity, nagpahigayon sa mga trivia games ang buhatan nga gisundan sa unveiling sa tema nga gipangulohan sa CDO Breastfeeding and Infant and Young Child Feeding (IYCF) Task Force ug usa ka hamubo nga diskusyon kalabot sa tema diin nahimong resource speaker si Telesfora G. Madelo, nutritionist dietitian sa Department of Health Center for Health Development-Northern Mindanao.
Ang kasaulogan subay sa Republic Act 10028 kon Expanded Breastfeeding Promotion Act of 2009 nga nagdeklara sa bulan sa Agosto isip National Breastfeeding Awareness Month. (CIO/PIA-10)
