CAGAYAN DE ORO CITY (PIA)--Nadawat na sa Lokal nga Pangagamhanan sa Cagayan de Oro ang pundo nga balor og P9.5 milyones alang sa Special Risk Allowance sa mga kawani sa JR Borja General Hospital ug City Health Office.
Kini ang gibutyag ni Mayor Oscar Moreno atol sa virtual press briefing, Agosto 19, diin iyang gipasalamatan ang rehiyonal nga buhatan sa Department of Health (DOH)-10 sa pag-download sa SRA funds ngadto sa syudad.
Sigun pa sa mayor nga duha ka tranches ang nadawat sa syudad niadtong Agosto 18.
Ang unang tranche nagbalor og P2,931,024 milyones, samtang ang ikaduhang tranche nagbalor og P6,573,012 milyones kon P9,504,036 milyones ang kinatibuk-ang nadawat sa syudad, dugtong pa ni Moreno.
