QUEZON, Bukidnon (PIA)—Nakuha sa Quezon, Bukidnon ang ika-tulong pwesto sa 'Most Outstanding Negosyo Center' atol sa gipahigayong Year-End Assessment sa Department of Trade and Industy (DTI).

Resulta kini sa hugot nga suporta sa lokal nga pangagamhanan alang sa mga programa sa Negosyo Center ug kanunay nga koordinasyon sa DTI.

Sa gipahigayon nga assessment, nasayran nga duna nay 248 ka mga bag-ong Negosyo ang na-rehistro sa lungsod; 350 ka Micro, Small and Medium Enterprises (MSMEs) ang na profile; siyam (9) ka mga bag-ong produkto ang na-develop; ug daghan nga mga trainings ug seminars ang gipahigayon.

Nakuha sa San Fernando ang ika-duhang pwesto ug ang Valencia City ang naka kuha sa unang pwesto sa 'Most Outstanding Negosyo Center' sa probinsya.

Padayon ang Quezon local government sa paghatag kahigayunan sa katawhan pinaagi sa pag-giya ug pagdugang kaalam sa mga negosyante aron nga mo-uswag ang katawhan ug molambo ang ekonomiya sa lungsod. (Quezon LGU/PIA-10/Bukidnon)