OZAMIZ CITY, Misamis Occidental (PIA)--Sikop ang most wanted person, Top 1 City Level, nga may walo ka mga standing warrants of arrest, sa nagkahiusang pwersa sa Ozamiz City Police Station uban ang mga personahe sa Police Intervention Unit MisOcc, 102nd Regional Mobile Force Battalion (RMFB), Highway Patrol Group (HPG), Regional Special Operations Unit (RSOU) ug Maritime Police ubos sa direct supervision ni PMaj Dennis Peñas Tano, nga mipahigayon sa joint manhunt operation batok sa maong Most Wanted Person.
Nasikop sa mga operatiba kapin kun kulang alas 9:30 sa buntag, Mayo 27, didto sa Barangay Aguada, ang usa ka Neil Bagaboyboy, 22, ulitawo, estudyante ug residente sa Purok 3, Barangay Molicay ning dakbayan.
Giaresto ang subject person pinaagi sa mga Warrants of Arrest tungod sa salaod nga 8 counts of Acts of Lasciviousness in relation to RA 7610 o ang Special Protection of Children Against Abuse, Exploitation and Discrimination Act.
Girekomenda ni Michael Lotao Ajoc, acting presiding judge sa RTC 10, 10th Judicial Region, Branch 15, Ozamiz City ang bail bond nga P120,000 alang sa matag kaso para sa temporaryong kagawasan sa subject person nga kasamtangang gibalhog sa Ozamiz City Police Station Detention Cell alang sa proper disposition ug sa pagbalik sa mga Subject Warrants of Arrest ngadto sa issuing court.(AONC/PIA Misamis Occidental)
