CAMIGUIN (PIA)--Ang tanang tunghaan sa Camiguin, publiko ug pribado man, nagpadayon na sa lima ka adlaw nga personal nga mga klase, Nobyembre 2, 2022, human sa tulo ka tuig nga kasinatian sa COVID-19 nga pandemya.
Ang Department of Education (DepEd) Camiguin nagtaho nga aduna'y 25,441 ka mga estudyante gikan sa 66 nga pampubliko ug 13 nga pribadong tunghaan sa probinsya. Aduna'y pagsaka sa 435 nga mga estudyante gikan sa 25,006 sa unang adlaw sa klase alang sa SY 2022-2023, August 2022.
Si Schools Division Superintendent Edgardo Abanil miingon nga hapsay ang pagbalik sa gimandong face-to-face nga mga klase sa pampubliko ug pribadong tunghaan sugod Nobyembre 2.
"Right now, the resumption of our classes is going well so far. We are also awaiting feedback from the school heads so that if there are any challenges encountered, they can be addressed immediately," giingon ni Abanil.
(Sa karon, maayo ang pagpadayon sa among mga klase. Gahulat sad mi sa mga ikasulti sa mga school heads kay kung naa'y mga hagit nga maengkwentro, matubag ra kini og dali)
Sa pagpadayon sa 'full in-person' nga mga klase, ang DepEd miisyu sa DepEd Order No. 48, s. 2022, and Amending DepEd Order No. 039, s. 2022 (Health and Safety Protocols considering the COVID-19 Pandemic), nga nag-ingon nga ang mga estudyante ug mga magtutudlo pwede nang hubuon ang ilang mga face masks maski pa sa mga lawak tunghaan, base na sad nasyonal nga palisiya. (DepEd/PIA-10/Camiguin)
