CAMIGUIN (PIA)--Ang Technical Education and Skills Development Authority (TESDA) Camiguin naghatag og tool kits alang sa 25 nga iskolar alang sa 'cake making (leading to bread and pastry production NC II)' sa Naasag, Mambajao, dinhi, Nobyembre 11.

Ang pagbansay-bansay gipahigayon sa Provincial Training Center-Camiguin nga girepresentar ni Engr. Wilfredo B. Badoy, Jr.

Baynte-kwatro gikan sa 25 nga starter tool kits ang nahatag sa mga iskolar sa Special Training for Employment Program (STEP).

Gawas sa mga tool kits, nakadawat usab ang mga iskolar og libreng training, assessment, ug training allowance gikan sa maong ahensya.

Gigiyahan ang maong kalihukan sa mga personahe sa TESDA Camiguin pinangunahan ni Provincial Director Braulio P. Dela Peña, Jr., Sangguniang Panlalawigan Member Shella G. Babanto, Mambajao Mayor Yñigo Jesus D. Romualdo, ug Stephen Son Cagalitan, nga nirepresentar sa Office of the Congressman. (TESDA/PIA-10/Camiguin)