Dul-an singkwenta ka mga kabataang risgo nga mamahimong child laborer ingon man ang pipila nga na profile sa Department of Labor and Employment (DOLE) isip Child Laborers ang nahatagan og mga libreng probisyon atol sa Fun Day Serbisyo Caravan kaniadtong Nobyembre 22, 2022.
Ang maong aktibidad kabahin sa Programang Child Labor Prevention and Elimination sa DOLE nga nagatumong sa pagpukan sa child labor ug makab-ot ang child labor free philippines by year 2025.
Sa pakighinabi kay DOLE Provincial Director Neil Allan Baban, gibutyag niini nga adunay natala ang maong ahensya sa tibuok Davao Region nga 4000 child laborers sukad niadtong 2018 tungod niini saysay usab nga ang gobyerno padayung nagkahiusa alang sa pagpakusog sa mga adbokasiya arun masumpo kini nga problema.
"Atong gipakita kung paunsa ang gobyerno kung mag-come together ug magpaduol sa mga tao para makita nila nga naay nagmahal nila ug kini nga sitwasyon wala nato nauyonan ug gusto nato kini nga mawala na... ang gobyerno mutabang sa pagsumpo sa child labor" matud ni PD Baban.
Mapasalamaton gayud ang mga ginikanan lakip niini si Ms. Jocelyn Sunodan human nakadawat uban ilang mga anak sa mga libreng serbisyo ug probisyon sama nalamang sa free dental, haircut and child health services gikan sa AFP ug PNP, PSA Birth request, national ID registration, libreng konsuktasyon sa TESDA ug DSWD ingon man ang legal assistance gikan sa NCIP.
"Nagpasalamat kog dako sa inisyatibo sa gobyerno nga nakita ang kahimtang sa mga bata nanarbaho wala sa hustong panahon...nga dako ila pagtan-aw nga mahaw-as gikan niana nga sistema ang mga bata" matud ni Sunodan.
Gipahigayon usab ang usa ka lecture sa Parenting 101, inputs on Childrens Rights ug ang pagpanghatag sa mga regalo ug food packs alang kanila. Dugang pa, nakadawat usab ug pinansyal nga assistance ang mga benipisyaryo sa TUPAD ug nalingaw sa magic show.
Nagmalampuson ang maong aktibidad pinaagi sa supporta ni Governor Dorothy Montejo-Gonzaga ug sa hiniusang kusog sa mga National Government Agencies ug Private Establishments inubanan sa mga panggamhanang municipal sa probinsya. (PR-JF, Photos by A. Dayao)
