NABUNTURAN, Davao de Oro- Mabungahon gayud ang pasko sa Davao de Oro humang nakadawat ang probinsya sa tulo (3) ka ganti/award ug usa (1) ka certificate of acceptance atul sa Department of Health Regional Office's Harmonized Health Awards 2022 kaniadtong December 15, 2022 mismo sa Grand Regal Hotel, Davao City.
Pipila sa maong ganti mao ang Epidemiology and Surveillance Unit (ESU) Organizational Level ug ang Certificate of Acceptance of office and IT Equipment Showcase nga nadawat sa Provincial Epidemiology and Surveillance Unit (PESU). Dugang pa, nakadawat usab ang probinsya sa Plaque for Covid-19 Pandemic and Vaccination Response ug Plaque for the LGU that achieved a 100% Preparatory Maturity Level for Universal Health Care in 2022.
Subay sa temang "Embracing Continuous Improvement towards achieving Universal Health Care", ang maong mga ganti gihatag ngadtu sa mga indibidwal, organisasyon ug lokal nga panggamhanan isip pag-ila sa ilang malampusong pagpatuman sa mga reporma sa panglawas ingon man ang pagpauswag sa kahimtang sa panglawas sa mga katawhan sa komunidad.
Gipaambit ang maong mga pasidungog atubangan sa mga empleyado ug opisyales sa kapitolyo atul sa convocation ceremony karung adlawa diin usa lamang kini sa timaan nga ang probinsya kanunay komitado sa pagkab-ot sa paghatud sa mga serbisyong panlawas ilabina sa mga hilit o lagyu nga lugar taliwala sa mga hagit sa Covid-19 pandemic. (PIO-DDO)
Subay sa temang "Embracing Continuous Improvement towards achieving Universal Health Care", ang maong mga ganti gihatag ngadtu sa mga indibidwal, organisasyon ug lokal nga panggamhanan isip pag-ila sa ilang malampusong pagpatuman sa mga reporma sa panglawas ingon man ang pagpauswag sa kahimtang sa panglawas sa mga katawhan sa komunidad.
Gipaambit ang maong mga pasidungog atubangan sa mga empleyado ug opisyales sa kapitolyo atul sa convocation ceremony karung adlawa diin usa lamang kini sa timaan nga ang probinsya kanunay komitado sa pagkab-ot sa paghatud sa mga serbisyong panlawas ilabina sa mga hilit o lagyu nga lugar taliwala sa mga hagit sa Covid-19 pandemic. (PIO-DDO)
