LAAK, Davao de Oro (PIA) -- Tulo ka gatos kapin na usab ka mga benepisyaryo sa Tulong Panghanapbuhay sa Ating Disadvantaged/Displaced Workers (TUPAD) program sa Department of Labor and Employment (DOLE) ang midawat ug P4,430 matag usa atul sa gipahigayung Cash for Work Payout kadtong Hulyo 25, 2023 sa Municipal Mega Tent.

Kini pinaagi sa paningkamot ug inisyatibo sa Lokal nga Panggamhanan sa Laak pinangulohan ni Mayor Antonio L. Libuangan nga mahatagan ug hinabang ang mga katawhan.

Gitrabahoan nila kini sulod sa napulo ka adlaw susama sa pagguna, manilhig sa dalan, pagsegregate sa basura ug uban pa.