BOAC, Marinduque (PIA) - Ang mga Titser-Iskolar ng Mimaropa, Pasig at Quezon ay kasama sa 33 Graduate Diploma in Cultural Education (GDCE) Batch 3 ngayong Buwan ng Wika at Kasaysayan na gaganapin ngayong araw sa bayan ng Boac.

Tema ng pagtatapos ay “Harmony in Diversity – Cultivating Cultural Wisdom across Islands and Cities."

Mula sa Mindoro ay kasama sina Kermit Agbas, Jan Christian Cabarrubias, Ralph Diaz, Maybelle Gonzales, Junex Gaspar, Godofredo Quintero, Jr., Eureka Ramos at Gemma Santiago.

Mula  naman sa lalawigan ng Palawan sina Ara Dell Beatrice Abe, Michael Angelo Doblado, Jehu Segundo at Andrea Trina Dequiña. Habang taga-Marinduque naman sina Leiden Baptista, Francis Rafael Bonode, Haydie Cruzado, Cheryl De Mesa, Lea Dulay, Arwin Jones Epa (Batch 2), Maryjoy Larracas, Ruth Larraquel, Grace Logmao, Marielle Logmao, Mary Angeline Mapacpac,  Russel Martinez, Roziel Montalban, Mark Christopher Roi Montemayor (Batch 2), Jodan Montera,  Darwin Morales, Dennis Motol, Rosiel Peñarubia at Mary June Quindoza.

Samantala, mula naman sa Quezon na kasama rin sa pagtatapos ay si Ruthsenett Soriano at mula sa Pasig si Danim Majerano.

Ang GDCE ay mula sa pagtataguyod ng Philippine Cultural Education Program (PCEP) sa pangangasiwa ng Pambansang Komisyon para sa Kultura at mga Sining (NCCA).

Ang unang batch ng GDCE sa Marinduque ay noong 2018 habang ang kasunod na batch ay nagkaroon ng mga titser-iskolar mula Romblon at Mindoro.

Ang Buwan ng Agosto ay nagdiriwang din ng Buwan ng Kasaysayan at Wika. Ang Marinduque State College ay bahagi ng Local Historical Committees Network (LHCN) ng National Historical Commission of the Philippines (NHCP) at mayroong Sentrong Wika at Kultura sa pakikipag-ugnayan sa Komisyon sa Wikang Filipino.  (MSC)