Produktibo ug sadya ang pinaka-unang pagsaulog sa probinsya sa Civil Service Month ning bulan sa Setyembre human sa pagpahigayon sa nagkalain-laing kalihukan kaniadtong Setyembre 11-15, niining tuiga.

Ang mga mananaug sa basketball ug volleyball nakadawat sa premyong cash nga P5,000 sa champion, P4,000 sa ikaduhang dapit ug P3,000 alang sa ikatulong dapit ug aduna pay certificates.

Alang sa Quiz Bee nakuha ni Roldan S. Realiza kinsa kawani sa Provincial Veterinarian (PROVET) ang unang pwesto kinsa nakadawat sa P4,000 nga premyo ug certificate.

Ang ikaduhang pwesto nakuha ni Karl Noel P. Mira sa PPDO sa premyo nga P2,000 ug ikatulong dapit nakuha ni Rolly Q. Cainta sa Provincial Administrator’s Office sa premyo nga P1,000.

Para sa sikat nga dulang Pinoy Henyo, nakuha ang kadaugan sa grupo ni Ralph Kevin J. Agustin ug Geiron Barry N. Hampac taga ZaNorte Medical Center (ZNMC) nga may premyo nga P1,500.

Samtang ang ikaduhang dapit mao sila si Roldan S. Realiza ug Jhan Nian J. Mi-ot sa PROVET sa premyo nga P1,000 ug ang ikatulong dapit nila ni Elren B. Loyloy ug Bryan T. Sargento nga taga Office of the Provincial Agriculturist (OPAG) kinsa nakadawat sa premyo nga P500.

Para sa Essay Writing diin maipadayag ang kridibilidad sa imong writing skills.

Si Sharmaine S. Cabaran sa Office of the Provincial Accountant ang nakakuha sa unang dapit sa premyo nga P3,000, ikaduhang dapit nakuha ni Ma. Lenie R. Castañeda sa ZNMC kinsa nakadawat sa premyo nga P2,000 ug ang ikatulong dapit nakuha ni Charles Anthony Rotoni sa Provincial Tourism Office kinsa nakadawat sa premyo nga P1,000.

Ang awarding ceremony gihimo atul sa Flag Raising Ceremony, Setyembre 18 nga gitambungan ni Governor Rosalina “Nanay Nene” Jalosjos ug Acting Provincial Administrator Wilberth Magallanes.

Nanumpa usab sa atubangan ni Governor Jalosjos ang napili nga mga opisyales sa Zamboanga del Norte Employees Association.

Napili nga Presidente mao si Mr. Norman Alegarbes sa Provincial Administrator’s Office; Vice President - Mr. Gerson Cagbabanua sa Provincial Information Center; Secretary - Ms. Augee Lopez-Velasco sa Provincial Planning and Development Office; Treasurer - Mr. Ardem Recentes sa Provincial General Servcies Office ug Auditor - Mr. Teonilo Bagalanon-Provincial Internal Audit Office.

Gihimo ang pagpili sa mga opisyales kaniadtong Setyembre 15, atul sa Organization of Zamboanga del Norte Provincial Employees Association and Fellowship Night nga gipahigayon sa ZaNorte Convention and Sports Center nga gitambungan sa mga regular nga kawani sa kagamhanang probinsyal.

(PIC-Maribeth Sibucao, Rosellla Aba-a. Jeffrey Lacay – Photographer).