MAWAB, Davao de Oro (PIA) -- Nagpahigayon ang Municipal Commission on Election Office nga gipangulohan ni Election Officer III Mechaira Enguito og Candidate Briefing and Covenant Signing sa Mawab Central Elementary School SPED Center, Barangay Poblacion, Mawab, Davao de Oro niadtong Setyembre 22.

Kini gisalmotan sa 438 ka aspiring officials alang sa Barangay ug Sangguniang Kabataan Elections (BSKE) karong tuiga.

Pagkahuman, ang mga kandidato sa eleksyon kauban ang mga dinapit nga ahensya nag-recite sa Integrity Pledge ug mipirma sa Peace Covenant ug nagmanifest nga mosuporta sa usa ka safe, secure, accurate, free and fair nga eleksyon karong umaabot Oktubre 30, 2023.

Anaa sab sa maong programa ang presensya sa MLGOO VI Cherry H. Leybag sa Department of the Interior and Local Government, Mawab Municipal Police Station Acting Chief of Police PMaj Marion R Sibayan, Charlie Company Commander of 25th Infantry Battalion-Philippine Army 1Lt Abner D Subong, BIR Revenue Officers Erwin Lognasin ug Ms. Ravanes, DepEd Mawab Public Schools District Supervisor Rey P. Antonio ug San Roque Parish Priest Ruel T. Gualderama.

Nanghinaot si Mayor Ruperto S. Gonzaga III nga mamahimong responsable ang katawhan sa pagsunod sa mga giya aron masiguro ang malinawon ug hapsay nga piniliay. (PIA/PR-LGU Mawab)