October 11, 2023- Gitugyan ni Mayor Darel Dexter T. Uy ang 7 ka mga nahuman na nga proyekto sa kagamhanang lokal sa Dipolog ngadto sa hingtungdang mga Barangay Local Government Units (BLGUs) kagahapong adlawa, Oktubre 10 ning tuiga.
Si Mayor Uy ang nangulo sa nasangpit nga turn-over ceremony ug ribbon cutting timaan nga kini pormal ug opisyal na nga natugyan ang kaakohan dinha sa nasangpit nga mga proyekto, duyog sa presensiya nila ni Assist. City Engineer Julie May E. Saguin, Engr. Candido Racho ug Engr. Isagani Zamoras sa City Engineering Office, ning siyudad.
Ang mga proyekto ang naglangkob sa mosunod:
Construction of Drainage System (Zamoras-Arellano Sts.)- Barra
Construction of Drainage System (Father Lacaya St.)- Barra
Road Concreting of Cruz Drive- Sicayab
Construction of Drainage Canal (Baybay Restaurant–Purok Christhmus)-Sicayab
Road Concreting (Purok Tipo) - Sicayab
Road Concreting (Martinez Street Extension)- Miputak
Construction of Drainage Canal w/ Cover (Martinez Street)- Miputak
Construction of Motorpool Guard House with Perimeter Fence
Ang nahisgutan nga kalihukan ang gitambongan usab nila ni Punong Barangay Moman Apura sa Brgy. Barra, Punong Barangay Elena T. Gamalinda sa Brgy. Miputak ug Punong Barangay/City Councilor Julius B. Gajonera sa Brgy. Sicayab, tanan ning dakbayan.
Samtang karong adlawa, Oktubre 11, gipadayon ang serye sa pagturn-over sa laing pito (7) na usab ka mga proyekto ngadto sa kabarangayan ning dakbayan. (cio-Ltd)
