Tumong ug tinguha pag-establisar sa Kadiwa ng Pangulo para sa mga Manggagawa, nga makakita ug tukmang lugar ang mga konsumante, diin ilang mapalit ang baratong mga palaliton, partikularmente, mga utanon, prutas ug mga panakot gikan sa nagkalain-laing kahugpungan sa mga mag-uuma sa Zamboanga del Norte ug mga Small and Medium Enterprises nga benepisyaryo sa mga livelihood programs sa DTI ug DOLE.
Gipahibalo usab ni Ms. Bustaliño, nga gawasnon ang tanang ZaNortehanon nga makapamaligya sulod sa Kadiwa ng Pangulo site nga wala nay dugang bayronon, gawas sa pagmintinar sa kalimpyo sa lugar nga ilang gipahimutangan sa ilang mga baligya.
Gawas pa, kini usab ang nag-unang dalhanan sa mga produkto sa mga kahugpungan sa mga mag-uuma nga benepisyaryo sa Zamboanga deklNorte Provincial Government Agricultural Extension Program-Veggie Negosyo program ilalom sa administrasyon ni Governor Rosalina “Nene” Jalosjos. (PIC-ATRuda, with Raymond Garrovillo)
