Ang ROCBDC nga nagpahigayon sa maong deliberasyon gilangkuban nila ni PDEA-9 Regional Director Laurefel P. Gabales isip Chairman, Acting Regional Director for Operation Romeo) Espero Jr. (PNP-RO-9), Mr. Elmer Egama (DILG-9) ug Dr. Elaine J. Rodriguez (DOH-9).
Sa mensahe ni Governor Rosalina “Nene” Jalosjos nga gipaabot ni Acting Supervising Administrative Officer Norman M. Alegarbes, gidayeg niini ang ROCBDC sa ilang pagpaningkamot sa nga masiguro ang kaluwasan sa katawhan sa rehiyon batok niining anay sa atong katilingban nga mao ang illegal nga droga.
Gidayeg usab ni Governor Jalosjos ang mga membro sa Barangay Anti-Drug Abuse Council nga gipanguluhan sa ilang mga kapitan nga dili na masudlan niining ginadiling droga ingon ang mga mayor nga mao Chairman sa Municipal Anti-Drug Abuse Council aron masuportahan ang BADAC ug magiyahan ang nahimong biktima sa illegal nga droga.
“Ang atong pagpaningkamot paglikay sa ginadiling droga maoy pagmatuod sa atong commitment sa pagsumpo sa illegal nga droga ug pag-angkon ug luwas nga katilingban alang sa tanan ug ang pagkadeklarar sa mga barangay nga drug-free dili lamang usa ka titulo, kundili giubanan usab kini sa usa ka hagit alang sa atong mapadayonong kampanya batok sa ginadiling droga,” panapos pa sa gobernador sa iyang mensahe.
Ang Barangay Drug Clearing Operation, gikonsiderang usa ka instrumento padulong sa katumanan sa nag-unang priority agenda sa administrasyong Jalosjos nga mao ang maayong panglawas sa tanang ZaNortehanon.” (PIC-ATRuda-Jeffrey Lacay (photographer)
