ILIGAN CITY (PIA)-- Nakadawat ang unom ka  barangay local government unit og Patient Transport Vehicle (PTV) gikan sa lokal nga kagamhanan ning syudad.   

Sumala ni Niño Remo, ang punong barangay sa Barangay Santa Elena, unang higayon nila nga nahatagan og PTV.

Samtang plano sab ni Michelle Malasado, ang punong barangay sa Digkilaan, gamiton ang sakyanan sa ubang panginahanglan kung walay emerhensiya.

Sumala ni Mayor Frederick Siao, magdugang pa siya og sakyanan sa mga barangay nga wala mataga-i.

Gi-turnover sab ang usa ka ambulansya sa Iligan City Disaster Risk Reduction and Management Office. (City Information Office/PIA-10/Lanao del Norte)