TAGBILARAN CITY, Bohol, June 8 (PIA) -- Nagpagawas og Memo ang Local Government Unit (LGU) sa lungsod sa Dagohoy, nga nag deklara sa estriktong pag-suot sa facemask ug faceshields.
Kini gi-aprubahan ni Mayor Sofronio C. Apat, human niya mamatnguni ang nagkasaka nga kaso sa mga lokal nga residente nga nangasakit sa so coronavirus disease (COVID-19) niining bag-o lamang.
Ang Dagohoy, usa sa mga lungsod sa Bohol nga labing uwahing naapektohan sa nagkiyanap nga sakit.
Sugod Hulyo 16, 2021, sugdan ang pagpatuman sa estriktong pag-suot sa facemask ug faceshields sa tanang empleyado sa national ug local nga mga buhatan sa lungsod.
Lakip nilang gi-awhag ang tanang katawhan nga mo sulod sa municipyo, ug kadtong mag suroy-suroy sa maong lungsod, maapil sa mandu tungod sa nagkasaka nga kaso sa Covid-19.
Niini, gi-awhag sa mayor ang tanang katawhan nga mas mahinungdanon nga likayan gyud ang pag tapok-tapuk sa bisan asang dapit.
Kalabot niini, padayung gi-kombinse ang katawhan nga magpabakuna na, kay kini usa sa pamaagi nga dili na mamatay sa sakit.
Padayun gihapong sundon ang mga health protocols nga gihatag sa gobyerno aron malikayan ang pagkuyanap sa maong virus, aghat ni mayor Apat. (RAHC/PIA7 Bohol/Mae Ann Grace C. Rubia)
