TAGBILARAN CITY, Bohol, June 9 (PIA) -- Nakadawat ang Philippine Red Cross (PRC) ug PHP15 milyon nga donasyon nga salapi gikan sa Banko Sentral ng Pilipinas (BSP) aron  matabangan ang mga kabus nga nanginahanglan og serbisyong pang dinalian o pang emerhensya ilabi na sa transportasyon.

Kini nga donasyon, ubos sa Ambulance Samaritan Fund ug uban pang mga proyekto sa Red Cross.

Matud ni PRC Chairman and CEO, Senator Richard Gordon, malipayon og dako ang pasalamat sa Philippine Red Cross (PRC) sa Banko Sentral ng Pilipinas sa ilang Chairman nga si Benjamin Diokno.

"Ang donasyon mahinungdanon kaayu tungod kay kini makatabang matag minute,  sa mga dinalian nga panginahanglan sa mga katawhan ilabi na sa panahon sa emerhensya, segun sa PRC.

Kalabot niini, ang BSP naghatag sa nahigutan nga donasyon tumong sa ika-28 nga anibersaryo niadtong Hulyo 3.

Ang anibersaryo sa Red Cross nagdala sa tema nga padayung lig-unon ang suporta sa labing una nga Humanitarian Organization sa nasud.

Sa laing bahin, sa mi-aging tuig, ang BSP mihatag usab og PHP10 milyon donasyon nga miabot sa 2,014 ka ambulansya ang nagdagan ug nag responde ubos sa Samaritan Funds niini. (RAHC/PIA7 Bohol/Mae Ann Grace C. Rubia)