TAGBILARAN CITY, Bohol, July 12 (PIA) -- Nakadawat ang Pilipinas og dugang 37,800 dosis nga bakuna gikan Russian- made Sputnik V vaccine Component I niadtong Sabado sa gabii.
Ang labing bag-ong kargamento sa Russian jab miabot sakay sa usa ka Korean Air flight KE 632 gikan Moscow pinaagi sa Incheon, ug miabut hapit alas 9 sa gabii sa Ninoy Aquino International Airport Terminal 1 sa Parañaque City.
Adunay katibuk-an na nga 350,000 dosis sa Sputnik V jab ang Russia gikan sa ilang Gamaleya National Research Center of Epidemiology ug Microbiology.
Ang nangabut nga bakuna, kinahanglan tipigan sa negative 18 degrees Celcius o ultra cold temperature freezer, aron dili madaut.
Gibyahe dayon ang bag-ong batch sa Sputnik V ngadto sa PharmaServe Express cold-chain nga tipiganan sa San Roque, Marikina City.
Sa usa ka pakigsulti, matod ni Director Maria Soledad Antonio sa Bureau of International Health Cooperation nga ang bag-ong delivery sa bakuna ihatag ngadto sa mga lugar nga nakasinati og pagdagsang sa kaso nga coronavirus disease (Covid-19).
Dugang pa niya, kiini gigahin isip kina-unhan nga dosis sa bakuna.
Kaniadtong Biyernes, ang Pilipinas nakadawat usab og 132,200 dosis sa Sputnik V vaccine, nga naglangkob og 82,200 dosis sa Component I ug 500,000 dosis sa Component II. (RAHC/PIA7 Bohol/Analyn Y. Socobos)
