TAGBILARAN CITY, Bohol, July 14 (PIA) -- Malaumon si Chief implementer of the National Task Force (NTF) against COVID-19, Secretary Carlito Galvez Jr. nga mahimong motaas ang vaccination rate sa nasud ning sunod nga mga bulan tungod sa mga umaabot nga mga bakuna, nga ihatag sugod niining bulan.
Matod ni Galvez kaniadtong Lunes, nakab-ot sa Pilipinas ang 13 million mark sa vaccination program (Hulyo 10) bisan pa man sa mga pagkalangan sa pagdeliver sa mga bakuna.
Matod usab sa kalihim sa Talk to People ni President Rodrigo Duterte, nga naglaum ang kagamhanan nga motaas na ang agi sa pagbakuna niining musunod nga mga semana ug bulan tungod sa gilauman nga moabot nga sobra sa 11 million ka mga bakuna sa buwan sa Hulyo.
Dugang pa niya, sobra sa 4 million ka mga dosis sa COVID-19 ang moabot sunod semana lakip niini ang 2.5 million doses sa Sinovac, 1.17 million doses sa AstraZeneca, ug 3,239,400 doses nga donation sharing gikan sa COVAX facility ug United States of America.
Karon’g Agusto, ang Pilipinas naglaum nga makadawat og kinatibuk-ang 16,570,000 doses nga mga bakuna: nga gilangkoban sa 8.4 million doses sa Sinovac, 1.17 million doses sa AstraZeneca, 2 million doses sa Pfizer, 1 million doses sa Moderna, ug 4 million doses nga gikan sa COVAX facility.
Sa pagkakaron, ang Pilipinas adunay kinatibuk-ang 20,779,910 ka mga dosis sa tipiganan niini ug ang 9,180,310 niini, pulos donated vaccines. (RAHC/PIA7 Bohol/John Paul Elicano)
