TAGBILARAN CITY, Bohol, July 19 (PIA) -- Nagpagawas ang Department of Education (DepEd) og regulasyon kalabot sa paggamit sa mga pampublikong tunghaan isip COVID-19 isolation facility dungan sa pagpaayo sa mga pasilidad pang-edukasyon.

Sa gipagawas nga memorandum ni DepEd Kalihim Leonor Briones, gimando niini sa mga opisyal sa eskwelahan nga balibaran nga magamit ang ilang eskuwelahan isip COVID-19 facility kun may himuong konstruksyon o pagpaayo sa pasilidad.

Matud pa sa kalihim nga kun kasamtangang gigamit nang isolation facility ug may ipahigayong konstruksyon, duha ang mahimong himuon.

Una niini ang pakighinabi sa lokal nga kagamhanan nga ibalhin ang COVID-19 nga mga pasyente sa ubang lugar o kun mahimo, ilahi ang gigamit nga pasilidad sa building o imprastraktura nga himuon o itukod.

“The Department is one with the national effort to curb the surge of COVID-19 cases and hopefully putting an end to the pandemic. However, we must also ensure that the needs of learners are met including the establishment of adequate, safe, and conducive learning facilities, as mandated” (Ang Departamento nakighiusa sa nasudnong paningkamot sa pagsumpo sa pagdagsang sa mga kaso sa COVID ug pagtapos na sa pandemya. Pana, gikinahanglan usan atong ipaseguro ang panginahanglan sa atong mga magtutuon ilabi na sa pagpahimutang sa hipno, luwas ug mas maayong lugar  sa pagkat-on, segun sa gilagda,) matud pa usab ni Undersecretary for Administration ug DepEd Task Force COVID-19 Chair Alain Del B. Pascua.

Gipaabot nga sa pagkakaron, mahimong magsugod na ang mga pagpaayo sa mga eskuwelahan tungod na usab kay kinahanglan nang magamit ang gigahin nga pondo.

Pipila sa mga lawak-tunghaan ang gigamit sa mga LGUs nga isolation facilities o vaccination hubs. (ECB/PIA7 Bohol)