TAGBILARAN CITY, Bohol, July 15 (PIA) -- Gibutyag sa National Government nga unahon og pamakuna ang 4 milyon ka mga kawani sa goberno ug mga Overseas Filipino Workers (OFW’s) hangtod Agosto , kini aron matuman ang katayuan sa pagkab-ot nga dili na sila matakdan sa maong sakit.

Matod ni Vaccine czar Carlito Galvez Jr., nga ilang paningkamotan nga mabakunahan ang 1.8 milyon nga mga kawani sa goberno ug lakip na ang 2.2 milyon nga mga OFW’s sulod karong buwana hangtod sa Agosto.

Gisugyot usab niya, nga kinahanglang mabakunahan na ang tanang maestro ug maestra aron kini makahatag ug panalipod kon mo balik na sa face to face nga klase.

Dugang pa ni Galvez, ang mga kawani sa Armed Forces of the Philippines (AFP), Philippine National Police (PNP), Philippine Coast Guard (PCG), Bureau of Fire Protection (BFP), ug National Bureau of Investigation (NBI) ang lakip sa prioridad nga bakunahan.

Ang mga empleyado sa Commission on Higher Education (CHEd), Department of Education (DepEd), Department of Transportation (DOTr), Department of Labor and Employement (DOLE), Department of Agrarian Reform (DAR), Department of Agriculture (DA), Department of Foreign Affairs (DFA), Department of Tourism (DOT), Bureau of Customs (BOC), Bureau of Immigration  ug  ang mga seaferers ang nabutyag sa ilakip usab sa unahon sa pagbakuna.

Sa laing bahin, gikan sa Marso 1 hangtod Hulyo 11, ang national government nakatala sa kinatibuk-ang 13,196,282  milyon nga doses nga gikatupok sa mga naa sa prayoridad sa tibuok nasud.

Lakip na niini ang mga nabakunahan na nga A1 hangtod A5 nga mga prayoridad nga sektor , sama sa healthcare workers, senior citizens, person with co-morbidities, economic frontliners, ug indigenous population. (RAHC/PIA7 Bohol/Mae Ann Grace C. Rubia)