TAGBILARAN City, Bohol, July 12 (PIA) -- Nakaproseso na ug nakapasuod na ang Bureau of Customs (BOC) sa kapin sa 20 milyon nga doses sa mga bakuna batok sa Coronavirus Disease (Covid-19) gikan niadtong Pebrero niining tuiga.

Sa usa ka pahayag niadtong Sabado, giingon sa BOC, nga anaa na sa katibuka-ang 20,537,360 nga doses sa mga bakuna gikan sa upat ka nasud: ang China, Russia, United Kingdom, ug Estados Unidos, ang nakasulod sa Pilipinas.

Kauban niini, ang mga kargamento nga adunay sulud nga 132,200 nga doses sa Sputnik V nga bakuna ug 2.028 milyon nga doses sa AstraZeneca, pareho nga miabot sa nasud niadtong Biyernes.

Ang duha ka managsunod nga pag-abot sa mga gi-import nga bakuna ang gidawat sa nasud human pinaagi sa BOC-Ninoy Aquino International Airport (NAIA).

Ang mga bakuna sa AstraZeneca nga gikan sa World Health Organization gipangunahan sa COVAX facility miabut sa NAIA Terminal 3 sa mga alas 4:15 sa hapon, pinaagi sa Flight No. EK332 gikan sa Sweden.

Subay usab niini, gisundan usab kini sa bakuna nga gihimo sa Russia nga miabot sa parehas nga terminal, mga alas 10:30 sa gabii, pinaagi sa Flight No. QR928.

Ang parehas nga kargamento gipaubos sa proseso sa pre-clearance sa customs sa wala pa sila moabot pinaagi sa NAIA One Stop Shop.

Sa pag-abut, ang mga bakuna nga Covid-19 gidala dayon sa Covax Special Handling Team sa Pharmaserv Cold Storage Facility sa Marikina City.

Ang nasud, sa pagka karon nakadawat na usab og bakuna nga gikan sa Sinovac, AstraZeneca, Sputnik V, Pfizer-BioNtech, ug Moderna. (RAHC/PIA7 Bohol/Ruffa Mae F. Evardo)