TAGBILARAN CITY, Bohol, July 21 (PIA) -- Gipaseguro ni Interior Secretary Eduardo Año ngadto sa mga local governments units (LGUs) ug Philippine National Police (PNP)nga ilang ikapatuman gayud ang mga balaod, ordinansa, ug mga panudlo sa omnibus ug quarantine protocols aron mapanalipdan ang katawhan sa posible nga local transmission sa Delta variant.
Matod ni Año sa Inter-Agency Task Forced for Management of Emerging Infectious Disease sa pakigpulong kauban si President Rodrigo Duterte sa katawhan sa Davao niadtong Lunes sa gabii, nga ”dili kinahanglan mabalaka ang publiko tungod adunay giandam nga plano alang sa Covid-19 variant."
Dugang pa niya, ang Departamento magpagawas og memorandum nga magpahinumdom sa LGUs nga andamon dayon ang mga plano ug stratehiya batok sa posible nga local transmission sa Delta variant.
Segun sa taho, ang Delta variant ang hinungdan sa kalit nga pagsaka sa kaso sa mga nagkadaiyang nasud.
Miingon usab si Año, gihingpit ang pagkontrol sa mga utlanan ilabi na sa international airports ug seaport ug pangunahan sa local chief executive (LCE) ang aggressibong dinaghan nga pagpabakuna ug pas-pas nga pagstesting s amga tawo nga gidudahang may contact, pagsubay sa contact tracing ilabi na sa pag isolate sa pasyente nga naapektuhansa delta variant.
Pinaagi sa operasyon “Listo” o “Operasyon Awareness” gitaho niya ang pagsaka sa kadaghanon sa quarantine, isolation, ug health care facilities.
Dugang pa niya, ang nasud adunay natala nga ka kaso sa Delta variants, duha niini namatay na. (RAHC/PIA7 Bohol/Analyn Y. Socobos)
