TAGBILARAN City, Bohol, July 21 (PIA) -- Giawhag sa Deparment of Health (DOH) ang mga nagkadaiyang mga ospital sa nasud nga dungagan ang higdaanan ug mga suplay sa oxygen niini, kini human madiskubrehan ang mga lokal nga impeksyon sa Delta Variant sa nasud.

Gihatagan og importansya ni DOH Undersecretary Maria Rosario Vergerie, ang pagpamaayo pa sa sistema sa Healthcare sa nasud.

Dugang niya, kinahanglan nga maghimo og imbentaryo sa suplay sa oxygen, kinahanglan usab nga mag-andam sa mga logistic sama na sa tambal ug uban pang mga suplay nga magamit sa mga ospital alang sa tanan niining pagtubag sa makakit sa COVID.

Gihangyo usab niini ang mga Local Government Units (LGUs) nga hugtan nga ipatuman ang lain-laing protocols batok sa Coronavirus Disease (Covid-19).

Matod ni Vergerie niadtong Sabado, Hulyo 17, ang matag usa kinahanglan nga mag-andam na aron mapadaghan pa ang mga kama sa mga ospital ug mas modaghan ang maalagaran niini.

Gikumpirma sa DOH ang 35 nga kaso sa Delta Variant sa nasud, 32 ang nakarecover na gikan sa COVID-19, bisan pa, duha ka mga pasyente ang namatay. (RAHC/PIA7 Bohol/Ruffa Mae F. Evardo)