TAGBILARAN City, July 23 (PIA) -- Gipadayag ni Vaccine Chief Implementer Secretary Carlito Galvez Jr. niadtong Lunes sa gabii, nga ang COVAX facility nga gipangulohan sa World Health Organization (WHO) ug Gavi Alliance mahimong magdonar sa mga bakuna batok sa coronavirus disease (COVID-19) nga ginama sa China alang sa Pilipinas.
Matod niya, ang Pilipinas andam usab nga modawat bisan unsang mga matang sa Chinese Jabs nga magamit ug mahimong moabut.
Parehas nga Sinovac ug Sinopharm ang naapil sa lista sa WHO alang sa emerhensya nga paggamit nga mga bakuna ngadto sa mga nasud nga nagpagawas sa dinalian nga paggamit niini.
Ang pasilidad sa COVAX nagpadali usab sa mga donasyon sa bakuna sa Estados Unidos ug goberno sa Japan ngadto sa Pilipinas.
Giingon ni Galvez, nga ang tanan nga bakuna nga gihatag sa COVAX ug Janssen jabs, istrikto nga ipanghatag sa mga A2 priority group (Senior Citizens) ug A3 (adults with comorbidities.
Samtang ang mga bakuna nga nakuha sa goberno ug pribadong sektor, lakip ang mga bakuna nga gihatag sa Japan, gamiton alang sa mga A2, A3, ug A5 indigents. (RAHC/PIA7 Bohol/Ruffa Mae F. Evardo)
