TAGBILARAN City, Bohol, July 24 (PIA) -- Ang pagpadala ug pag-abut sa 1.5 milyon ka mga doses sa bakuna nga Sinovac dinhi sa Pilipinas, bisan sa nagkadaot ang panahon, ngapadaghan pa sa bakuna nga sarang magamit sa mga molupyo sa nasud. 

Miabut ang dugang mga bakuna nga Sinovac didto sa Ninoy Aquino International Airport, Terminal 3 kaniadtong Huwebes sa buntag.

Ang paghatud, nagdala na sa 29,985,130 ang katibuk-ang ihap sa mga dosis sa bakuna sa Coronavirus Disease (COVID-19) sa nasud, lakip ang labaw sa 17.5 milyon nga doses sa nagkadaiyang matang sa bakuna nga una nga nahidangat nganhi.

Sa katibuk-ang doses, 16 milyon ang mga bakuna sa Sinovac, lakip na ang usa ka milyon nga gidonar sa China ug gisiguro sa gobyerno nga ang 26 milyon nga Sinovac shot muabot karong tuiga.

Subay sa natala sa nasud niadtong Hulyo 18, labaw sa 15 milyon na ka doses ang nahatag sa tibuuk nasud, ug adunay 4,708,073 ka mga indibidwal nga nakakompleto na sa pagpabakuna.

Adunay average nga 271,426 nga doses ang nahatag matag adlaw sa katapusan nga pito ka adlaw.

Gipangunahan ni Health Secretary Francisco Duque III ug ni Vaccine Czar Carlito Galvez Jr. ang pagtagbo sa mga kargamento nga giluwan sa abyon gikan sa China. (RAHC/PIA7 Bohol/Ruffa Mae F. Evardo)