TAGBILARAN CITY, Bohol, July 24 (PIA) -- Nakumpirma sa Department of Health (DOH) nga aduna nay local transmission sa grabe makatakod nga Delta Variant sa coronavirus disease (COVID-19) sa nasud.

Niini, gipahayag sa DOH nga anaay 12 ka mga lokal nga kaso sa Delta Variant, nga nag dala sa kinatibuk-ang ihap sa mga kumpirmadong kaso ngadto na sa 47.

Ang national ug mga local governments padayung naningkamot sa pag-awhag sa pagtamud gayud sa mga lagda sa luwas nga paggawas sa katawhan sa ilang panimalay ug padayon usab sa paghatag og mga pamaagi aron dili matakdan sa makamatay nga sakit.

Kalabot niini, paduyun usab nilang gihatagan og mga pamaagi ang aron malikayan ang pagsaka sa mga natakdan sa virus.

Sa laing bahin, gi-awhag usab sa DOH ang tanang local government units nga padayun gihapong pag isolate sa mga namauli gikan sa laing lugar.

Niini, padayung awhagon ang katawhan nga magpabakuna na sa labing daling panahon ilabina adtong mga senior citizen ug kadtong aduna nay gipati daan nga sakit, panawagan sa mga tinugyanan.

Niini, ang gobyerno naggahin nag daghan nga supply sa tambal sa Covid-19, diin labot na niini ang oxygen tanks, ug mga gamit sa mga pang emerhensya, og padayun nga pag responde sa mga masakit, pagtesting ug pag contact tracing.

Gimanduan usab sa DOH ang LGU’s nga padayung awhagon ang katawhan sa striktong  pag sunod sa health protocols ug quarantine protocols aron malikayan ang pagkuyanap niini, ug mag pabakuna na kay mao kini ang mga pamaagi nga dili magrabehan kon matakdan man sa virus. (RAHC/PIA7 Bohol/Mae Ann Grace C. Rubia)