TAGBILARAN CITY, Bohol, July 27 (PIA) -- Gipahayag ni President Rodrigo Duterte sa sa iyang ika unom ug final nga State of the Nation (SONA) , nga adunay dul-an sa 36 milyon nga bakuna batok sa Coronavirus Disease (COVID) ang gilauman nga madawat sa Pilipinas, karong Hulyo ug Agosto.
Sa pagkakaron, ang nasud nakadawat nag 31.3 milyon ka bakuna batok covid-19, lakip na niiini ang labing bag-ong naabot nga 375,570 Pfizer Vaccines ug 1 milyon nga Sinovac nga dosis nga gipalit sa goberno.
Niini, kapin sa 7 milyon ka mga taw ang hingpit nang mabakunahan ug madugang sa 11 milyones nga nakadawat sa unang hugna sa bakuna.
Matod ni Duterte, sa nagpadayun nga pag-abot sa mga bakuna sa Covid-19, andam nilang dugangan ang adlaw-adalw nga rate sa pagbakuna.
Niini, padayung gi-awhag ni Duterte ang mga Local Government Unit nga kung mahimo paspasan ang pagpamakuna ug padayung lig-onon ang inoculation program.
Gimanduan usab ni Duterte ang mga lokal nga opisyal nga hatagan ug giya kadtong mga konstituente nga anaay maagi-an nga tubig-baha, ug diin maghuwat og pila ka oras aron mabakunahan lang.
Gitataw usab niya nga ang pagbakuna nagpabilin nga usa sa pamaagi nga dili magrabe ug mamatay kon matakdan man sa sakit.
Gi-awhag usab niya ang publiko nga kon nakalista na sa mabakunahan kuhaon na dayun kini.
Sa mga katawhan nga wala pa nakakuha sa ilang 2nd dose, nga unta dili kini sipyaton.
Gi-awhag usab ang publiko nga mas tas-an pa ang pasensya sa pagpa-abot nga mabakunahan,kay sa dili madugay makadawat na kini sa bakuna.
Ang pagpabakuna mas gikinahanglan karon nga nakasulod na ang COVID Delta varainat samtang nagkadaghan na ang mga bakuna sa COVID-19 ang gilauman nga moabot matag semana. (RAHC/PIA7 Bohol/Mae Ann Grace C. Rubia)
