TAGBILARAN CITY, Bohol, July 30 (PIA) -- Nagdonar og 2 mil ka faceshield ang usa  ka negosyanteng Trinidadnon ug tag-iya sa Nikkies Food Station nga nahimutang sa Lungsod sa Trinidad ug kini gihatod kaniadtong Hulyo 28 didto sa Municipyo.

Si Gilbert Boncales, nagpatunol sa donasyon ngadto sa lungsod pinaagi ni Sammelyn Seguera, nga iyang Area Supervisor nga mao ang nagrepresentar kaniya ug sa iyang negosyo sa pagtunol sa faceshields.

Subay niini, gidawat usab ni Brian S. Tinio, Executive Secretary og Moises Francisco C. Autentico nga maoy nagrepresentante ni Mayor Judith del Rosario Cajes and maong mga donasyon.

Malipayon ug mapasalamaton ang Mayor ngadto ni Boncales sa iyang gidonar nga Faceshield, kay dako kaayo kini og ikatabang sa katawhan sa lungsod Trinidad aron mapanalipdan ang hulga sa virus.

Ang lokal nga kagamhanan nagpasalamat og dako sa mga pribadong indibidwal nga misalmot ug mitanyag sa ilang corporate socoal responsibility aron makaabag sa lungsod sa pagpadagan sa may epektibong serbisyo, pahayag sa mayor.  

Pinaagi sa pakigtambayayong, ang lungsod padayong nag awhag sa katawhan nga perming sundon ang mga health protocols nga gimando. (RAHC/PIA7 Bohol/Ruffa Mae F. Evardo)