TAGBILARAN CITY, Bohol, July 29 (PIA) -- Aduna nay 361 ka kinatibuk-ang kaso sa Corona Virus Disease (COVID-19) sa Lungsod sa Tubigon, apan anaa ra sa 17 ang active cases nga natala niadtong, Hulyo 26, 2021.
Subay sa taho nga gipagawas sa Municipal Inter-Agency Task Force Hulyo 21, 2021 mikabat sa 51 ang aktibong kaso sa COVID, gikan sa natala nga 352 sa kinatibuk-ang kaso sa milabay nga semana.
Ang lungsod, naa nay 301 ka recoveries.
Sa sama nga higayun, 8 na ka kinabuhi ang nakalas sa COVID-19 sa lungsod sukad Marso 2020 hangtud karon, kini segun sa labing ulahing natala sa milabay nga semana, butang –nga gikahingawa na usab sa kadaghanan.
Matod sa bag-ong report, anaa na sa 336 ang total sa recoveries niining semanaha.
Niini, gi-awhag ni Mayor William Jao ang katawhan nga mas maayung mo pundo usa sa mga panimalay kon walay importanteng lakwon, ug likayan ang paghatag og sayup nga impormasyon nga maoy mag hatag og kahasol, kahadlok ug kahingawa sa katawhan.
Matod pa sa mayor, nga padayunon gihapon niyang awhagun ang mga katawhan sa pagpabakuna ug striktong sundon ang health protocols kay kini makatabang nga dili mo kuyanap ang maong sakit. (RAHC/PIA7 Bohol/Mae Ann Grace C. Rubia)
BASTA LANG MAG-AMPING ANG TANAN. Daghang suliran ang mabuntog ug masolbad basta lang adunay kooperason sa tanan, matud ni Mayor Jao. Ang simple nga pagsunod sa health protocols, daku nag ikatampo alang sa pagpaluag sa mga tambalanan nga karon, napulo na halso. (RAHC/PIA7 Bohol)
