TAGBILARAN CITY, Bohol, Aug. 5 (PIA) -- Gitogotan nang mabakunahan batok sa COVID-19 ang mga kabataan nga nag edad 12 hangtod 17 anyos nga adunay comorbidity.
Matud pa ni testing czar ug deputy chief implementer sa National Action Plan Against COVID-19 Kalihim Vince Dizon, ang bakunang Pfizer ang itupok kanila.
Alang sa ubang kabataan nga gusto usab nga pabakunahan sa ilang mga ginikanan, gipasabot ni Dizon nga angay usa kining isalig sa mga eksperto.
Giangkon ni Dizon nga kulang pa ang suplay sa bakuna sa nasod sa pagkakaron.
Gipasabot sa kalihim nga kinahanglang i-manage sa gobyerno ang supply sa bakuna batok sa COVID-19.
Sa pagkakaron, may Emergency Use Authorization (EUA) ang Food and Drug Administration (FDA) sa Pfizer nga mahimo ang mga nag-edad 12 hangtod 17 anyos nga bakunahan.
Apan tungod kay kulang pa ang atong bakuna, ang mga kabataang may edad 12 hangtod 17 anyos lamang nga may comorbidity pa ang bakunahan, pasabot ni Dizon. (ECB/PIA7 Bohol)
Samtang nagpadayon ang hybrid nga matang sa klase karon sa nasud, daghang nagtuo nga mas epektibo pa gihapon ang face-to-face classes. Dinhi, magpasugod na ang kagamhanan sa pagpamakuna sa mga kabataang menor de edad, apan dili pa kini malukop sa kakuwang sa bakuna. (FILE PHOTO/RAHC/PIA7 Bohol)
