TAGBILARAN CITY, Bohol, Aug. 16 (PIA) -- Gikompirmar na sa Department of Health (DOH), University of the Philippines-Philippine Genome Center (UP-PGC), ug sa University of the Philippines - National Institutes of Health (UP-NIH) ang pagkadiskobre sa 182 ka kaso sa Coronavirus Disease (COVID-19) nga nagtangag sa Delta (B.1.617.2).
Gawas pa niini, gidugang pagkompirmar sa mga ahensya nga natutok niini nga sakit sa 41 ka kaso sa Alpha (B.1.1.7), 66 ka kaso sa Beta (B.1.351) variant, 40 ka kaso sa P.3 variant ug sa labing una nga kaso sa Lambda (C.37) variant, nga karon maoy gitutokan human makaplagi sa naulahi nga batch sa mga specimen nga giaapi sa genome sequencing.
Ang labing bag-o nga genome sequencing nga gihimo, nag-paapil na gani sa una nga mga samples nga niagi na sa sequencing niadtong Hulyo 28, ug una na nga gikalibogan sa mga nagtuon niini kay walay mga susamang linya ug kagikan.
Sa dugang 182 ka kaso sa Delta variant, 112 niini napamatud-an nga nga local nga mga kaso, 36 niini dala sa Returning Overseas Filipinos (ROF), ug 34 ka kaso kasamtangan pang gisusli og balik kon matumbok bang local o dala sa ROF.
Sa 112 ka mga local nga kaso, 42 ka kaso niini natumbok na sa piho nga mga pinuy-anan sa National Capital Region, 36 ka kaso natumbok na usab sa Central Luzon, 8 ka kaso anaa sa CALABARZON, 6 sa MIMAROPA, 6 sa Northern Mindanao, 4 sa Central Visayas, 3 sa Davao Region, 3 sa Caraga, 2 sa Western Visayas, ug tagsa sa Cordillera Administrative Region ug BARMM.
Subay sa listahan, usa ka kaso niini ang active pa, 176 ka kaso ang giingon nga nauli-an na, 4 ang namatay, ug may usa pa nga kaso nga gitun-an ug giverify pa sa mga tinugyanan.
Sa kaso sa Alpha variant, sa dugang 41 ka nga kaso nga pamatikdan, 38 niini local nga mga kaso, us aka ROF samtang may duha pa nga gitun-an kon local ba o gikan sa gawas.
Kasamtangan nga gitaho sa DOH nga ang kinatibuk-ang Alpha variant naa na sa 2,232 ka kaso.
Sa mga kaso sa Beta variant, sa nadugang nga 66 ka kaso karong bag-o lang, 56 niini local nga mga kaso samtang may 10 nga karon dili pa matumobok kon local o dala gikan sa gawas.
Niining mga kasoha, 2 na ang namatay, 63 ang giingon nga nauli-an na ug may usa pa ka kaso nga karon gituki.
Sa labing bag-o nga kasayuran, ang kinatibuk-ang kaso sa Beta variant miabot na sa 2,483.
Sa labing bag-o nga lambda variant, ang kaso namatikdan sa us aka 35 anyos nga babaye nga karon gitun-an aron ilhon kon kini local ba o gikan sa ROF. Ang pasyente walay gipakita nga timailhan sa sakit, ug human sa 10 ka adlaw nga kwarantina, gipapauli na gani.
Ang Lambda unang namatikdan sa Peru niandtong mialaby nga tuig ih gitutokan World Health Organization.
Sa mga kaso sa P3 variant, sa 40 nga nadugang, 37 niini gikan sa local nga tinubdan samtang may tilo pa nga dili pa matumbok, karon sagun sa DOH. Kining tanan nga takdan nini nga variant , naayo na.
Dungan niini, ang UP-PGC nag-awhag gyud sa tanan sa estrikto nga pagtuman sa minimum public health standards pagpalig-n sa contract tracing ug surveillance u gang pagpabakuna aron makunhoran ang pagtakod ug pagkamatay. (RAHC/PIA7 Bohol)
