TAGBILARAN CITY, Bohol, Aug. 31 (PIA) -- Posibleng ubsan ang price cap sa RT-PCR test aron daghang katawhan ang mahimong maka-akses.
Sa usa ka pahayag, miingon si DOH Usec. Maria Rosario Vergeire nga nag-presentar na og bag-ong price cap alang sa RT-PCR tests ang Inter-Agency Task Force for the Management of Emerging Infectious Diseases (IATF).
Ang RT-PCR test gikonsiderar nga “gold standard” nga mokabat sa kantidad nga P3,800 sa kasagarang public laboratories ug hangtod P5,000 sa mga pribadong laboratories sa nasod.
Gipasabot ni Vergeire nga ang gipatuman karon nga patakaran ang angay nga bayran lamang sa usa ka indibidwal nga mao ang operational costs tungod kay donasyon sa DOH ang mga test kit.
Matud pa ni Vergeire nga kasagaran sa mga pasyente dili mopaubos sa COVID-19 RT-PCR testing tungod kay mahal ang presyo niini.
Giingong labi na karon nga nagkasaka ang mga kaso, ang DOH ang naghatag og libreng testing kits sa mga LGUs aron mapatuman ang ilang active case finding ug makahatag og libreng serbisyo sa katawhan.
Gipasabot pa ni Vergeire nga ang angay masabtan sa publiko mao ang pagdugang og mga pagsusi ang ginahimo aron makita ang mas daghang positibong kaso, aron nga malahi kini ug malikayan ang mas daghang viral transmission.
Kahinumdoman nga gimanduan ni Presidente Rodrigo Duterte ang DOH ug Department of Trade and Industry (DTI) nga magtakda og price ceiling sa COVID-19 test human sa gitahong overpricing. (ECB/PIA7 Bohol)
