TAGBILARAN CITY, Bohol, Oct. 18 (PIA) -- Gikan sa 84 sa matag 100 ka pasyente nga masakit sa coronavirus disease (COVID) nga maganoy pabalik sa maayong panglawas ug mauli-an niadtong Septembre, mipadayon og ka maayo ang mga numero alang sa COVID recoveries sa Bohol.

Sa Octobre 16, 2021, mikabat na sa 94 ka mga pasyente nga Bol-anon ang matakdan sa nahisgutang sakit apan mauli-an ra gihapon, kini napulo ka pasyente ang diperensya sa 84 nga natala niadtong Septembre 17, 2021.

Ang pagtaas pa sa receoveries o sa mga mauli-an sa sakit gikuygan usab sa pagkunhod sa mga nangamatay o mangamatay sa COVID 19.

Niadtong Septembre 17, pito ka Bol-anon ang namatay sulod sa usa  ka adlaw, o gikan sa sa Sept 16 nagdto sa Septembre 17.

Human sa us aka buwan, gikan sa Octobre 16, duha na lang ka pasyente sa COVOD ang namatay sa usa  ka adlaw.

Sa laing bahin, sa katapusang unom ka adlaw, mikunhod na ang mga aktibo nga kaso sa Bohol, ngadto sa ubos sa 1000.

Gikan  sa Oktrubre 12 kanus-a natala ang 883 ka aktibong kaso, mius-os kini og 106 ka kaso ngadto na sa 777 sa sunod nga adlaw.

Pagka Octubre 14, natala ang 745 ka mga aktibong kaso sa COVID sa Bohol, dayon sa pagka ugma, 65 na usad ka aktibong kaso ang nakaltas diha nga gikan sa 745, mikanaug pa kini og samot ngadto sa 680.

661 ka aktibo nga kaso sa COVID ang natala sa Oktubre 16, napulo ug siyam ka kaso ang nakaltas.

Sa Oktubre 18, 609 ka aktibong kaso ang natala sa Bohol, tataw nga dakong pagkunhod gikan sa kapin sa usa  ka libo sa imaging buwan. (RAHC/PIA7 Bohol)